चितवन गितानगरबाट बाँकेको सम्मेरगञ्ज फर्कदै गरेको बा १२ च ३१२२ नम्बरको स्कारपियो र महेन्द्रनगरबाट काठमाडौं जादै गरेको ना ५ ख ४०९० नम्बरको बस ठोक्किएर दुर्घटना भएको हो।
स्कारपियोमा सवार ८ जना मध्य ६ जनाको मृत्यु भएको छ। घाइते दुइ जनाको कोहलपुरमा उपचार भइरहेको छ। मृत्यु हुनेमा दुलाहाका बुवा आमा र आाफन्त छन्।
दुलाहाको बुवा राप्ती सोनारी गाउँपालिका वडा नम्बर ८ निवासी ५३ बर्षीय मानबहादुर केसी, ४५ बर्षीय आमा विमला खत्री, ४९ बर्षीय बिश्वनाथ अधिकारी, ५ बर्षिय प्रविण केसी, ३१ बर्षीय दिपककुमार खड्का, कोहलपुर नगरपालिका १२ निवासी ७८ बर्षिय दत्तबहादुर खत्रीको मृत्यु भएको ईलाका प्रहरी कार्यालय अमिलियाले जानकारी दिएको छ।
दुर्घटनामा ४५ बर्षीया गितादेवी खत्री र चालक २१ वर्षीय यमबहादुर मगर घाइते छन्। दुलही लिएर अर्को स्कार्पियोमा दुलहा थिए। बुवा-आमा र आफन्न चढेको स्कार्पियाो दुर्घटनामा परेको प्रहरीले जनाएको छ।-दशरथ घिमिरे/देशसन्चारबाट
Post a Comment